हरर थ्रिलर जनरामा फिल्म 'चि मुसी चि इभन डेड डिजायर बिलङ्गिङ' निर्माण भएको छ।
शुक्रबार पोस्टर सार्वजनिक गर्दै फिल्मकाे शिर्षक घोषणा गरिएकाे हो। निर्माता अरूण चक्रवर्तीका अनुसार यो फिल्म पुसमा प्रदर्शन हुनेछ।
एएमवाई स्टुडिओ प्रोडक्सनको ब्यानरमा निर्माण भएको फिल्ममा प्रियंका कार्की, ऋचा शर्मा, बेनिशा हमाल, आयुष्मान देशराज जोशी, राजन खतिवडा, रविन्द्र झा, गौरव विष्टलगायत कलाकारको अभिनय छ।
यसले नेपालमा हरर थ्रिलर फिल्मको ट्रेन्ड स्थापित गर्ने निर्माता चक्रवर्तीको विश्वास छ।
‘नेपाल, बलिउड र हलिउडका प्राविधिकसँग सहकार्य गरिएको हुँदा दर्शकले केही नयाँपन महसुस गर्न पाउनु हुन्छ,’ उनले भने।
यो फिल्मलाई मार्ना जेम्स र यश सैनीले संयुक्त रूपमा निर्देशन गरेका हुन्। फिल्ममा चक्रवर्तीसँगै रिञ्जु केसीको लगानी रहेको छ।
