गायक देवेन्द्र बब्लुले नयाँ गीत सार्वजनिक गरेका छन्।
शुक्रबार उनले ‘थोरै माया’ बोलको गीत सार्वजनिक गरेका हुन्। गीतमा उनकै शब्द तथा संगीत रहेको छ।
विशाल घिमिरेले निर्देशन गरेको भिडिओमा देवेन्द्रलाई नै देख्न सकिन्छ। यो म्युजिक भिडिओमा कुशल सिंहको लगानी छ।
सुनिल विकले छायांकन गरेको म्युजिक भिडिओलाई उत्तमकुमार कार्कीले सम्पादन गरेका हुन्।
यो गीत देवेन्द्रको आधिकारिक युट्युब च्यानलमार्फत् सार्वजनिक गरिएको हो।
उनका ‘म हाँसे हास्छौ र, भेटै हुन्न कि, म त पर्खेको पर्खै छु’ लगायत गीत चर्चित छ।
