मल्टिस्टारर फिल्म 'लाखे' को गीत सार्वजनिक भएको छ।
आइतबार काठमाडौंमा एक कार्यक्रम गर्दै ‘तिम्रो पिरिम’ बोलको गीत सार्वजनिक गरिएको हो।
हर्कुलस बस्नेत र सदीक्षा कट्टेलको स्वर रहेको गीतमा सुक्मित तामाङले आइटम डान्स प्रस्तुत गरेकी छन् भने गीतमा सौगात मल्ल, अनुपविक्रम शाही, अर्पण थापा, आर्यन अधिकारीलाई देख्न सकिन्छ।
यो गीतमा शब्द तथा संगीत हर्कुलस बस्नेतको रहेको छ।
सम्राट बस्नेतले निर्देशन गरेको फिल्ममा सौगात मल्ल, आर्यन अधिकारी, अनुप बिक्रम शाही, वर्षा राउत, सुशील सिटौला, अर्पण थापा, प्रशान्त ताम्राकार, रोहित रूम्बा, सन्जोग राणा, रक्षा बुढाथोकी, कालु राना र बाल कलाकार सिस्टम भण्डारी मुख्य भूमिकामा छन्।
गणेश मल्ल ठकुरी (जिएम) को प्रस्तुति रहेको फिल्मको कथाकार र निर्माता सिजन अर्याल हुन्। सुसन प्रजापतिले खिचेको फिल्मलाई अर्जुन जिसीले सम्पादन गरेका छन्।
ग्लोबल मिडिया एण्ड रिसर्च सेन्टर र औरियन प्रोडक्सनको ब्यानरमा निर्माण भएको फिल्मको पटकथा, संवाद आकाश बरालले लेखेका हुन्।
यो फिल्म कात्तिक १८ गतेदेखि प्रदर्शन हुँदैछ।
