फिल्म ‘जय हो’ निर्माण घोषणा गरिएको छ।
तिहारको अवसर पारेर फिल्मको औपचारिक निर्माण घोषणा गरिएको हो।
सलोन सलिना फिल्म्सको ब्यानरबाट निर्माण हुने फिल्मको प्रस्ततुकर्तामा शोभित बस्नेत रहनेछन्। फिल्ममा सलोन बस्नेत अनुबन्धित भएका छन् भने अन्य कलाकार छनोट गर्ने बाँकी छ।
हालसम्म यो फिल्मलाई कसले निर्देशन गर्ने भनेर पनि पक्का भएको छैन। फिल्मको कथा सुरेश न्यौपानेले तयार पारिरहेका छन्।
फिल्मलाई राज के अधिकारी र सुरज सरकारले निर्माण गर्नेछन्। उनीहरू अष्ट्रेलियाको जय हो विजनेश ग्रूप र सनराइज ग्रूप अष्ट्रेलिया रकडेलका सञ्चालक हुन्।
एक्सन लभस्टोरी कथामा निर्माण हुने फिल्मको एक गीतमा शम्भुजित बास्कोटाको संगीत रहनेछ। अन्य गीतमा संगीतकार फाइनल हुन बाँकी रहेको छ।
माघबाट फिल्मको छायांकन काठमाडौं, पोखरा र मुस्ताङमा गरिनेछ। नेपालको छायांकन सकिएपछि फिल्मको केही प्रतिशत छायांकन अष्ट्रेलियामा पनि गरिनेछ।
