सिस्नुपानी नेपालले यस वर्षको देउसी-भैलोमा समसामयिक विषयवस्तुमा झटारो हानिएको छ। गत शनिबार साँझ कमलादीस्थित प्रज्ञा प्रतिष्ठानमा प्रस्तुत देउसी-भैलोमा कलाकारहरूले प्रधानमन्त्री शेरबहादुर देउवादेखि काठमाडौं महानगरपालिकाका मेयर बालेन शाहसम्मलाई व्यंग्य गरेका छन्।
कार्यक्रममा सहभागी भएका पूर्वप्रधानमन्त्रीहरू केपी शर्मा ओली र बाबुराम भट्टराईका विषयमा पनि व्यंग्य गरिएको थियो।
कलाकारहरूले चुनावी गठबन्धन, टिकट वितरण, समानुपातिक प्रणालीमा हुने नातावाद, चुनावको मुखमा भएको दल फेरबदललगायत विषयमा व्यंग्य गरेका थिए।
उक्त देउसी-भैलोको भिडिओ लक्ष्मीपूजाको साँझ पारेर सोमबार युट्युबमा अपलोड गरिएको छ।
हेर्नुस् भिडिओ:
