मञ्जिल सुवेदीको शब्द, संगीत र गायनमा रहेको नयाँ गीत सार्वजनिक भएको छ। शुक्रबार 'मधु मञ्जिल' युट्युब च्यानलबाट सार्वजनिक भएको गीतमा कमल रानाको संगीत संयोजन छ।
गीतले 'अहिलेका युवा सचेत छन्, प्रेमका मामलामा परिपक्व पनि छन्, युवावस्थाको प्रेम आकर्षण मात्र होइन' भन्ने सन्देश बोकेको गायकको भनाइ छ।
भिडिओमा मधुसुदन भट्टराई, युनिषा घिमिरे र मञ्जिल सुवेदीको मुख्य अभिनय छ। बालकलाकारहरू स्पन्दन बोहरा, दियान्सा सापकोटा र प्रिनेश वीरकट्टाले अभिनय गरेका छन् ।
भारतमा दुई वर्षसम्म चलचित्र निर्माणसम्बन्धी अनुभव लिएका निर्देशक मृत्युञ्जय गैह्रे (लक्ष्मण) ले गीतको जीवन्तता र भावलाई समेट्न रूपन्देहीका विभिन्न स्थानमा छायांकन गरी भिडिओ तयार गरिएको जानकारी दिए।
