आज शुक्रबार हलमा एक नेपाली र एक बलिउड फिल्म प्रदर्शनमा आएका छन्।
नेपाली फिल्मतर्फ 'लाखे' र बलिउडतर्फ 'फोन भूत' प्रदर्शनमा आएका हुन्।
मल्टिस्टारर फिल्म ‘लाखे’ लाई सम्राट बस्नेतले निर्देशन गरेका हुन्।
क्राइम, एक्सन जनराको फिल्ममा सौगात मल्ल, आर्यन अधिकारी, अनुप बिक्रम शाही, वर्षा राउत, सुशील सिटौला, अर्पण थापा, प्रशान्त ताम्राकार, रोहित रूम्बा, सन्जोग राणा, रक्षा बुढाथोकी, कालु राना र बाल कलाकार सिस्टम भण्डारी मुख्य भूमिकामा छन्।
गणेश मल्ल ठकुरी (जिएम) को प्रस्तुति रहेको फिल्मको कथाकार र निर्माता सिजन अर्याल हुन्।
ग्लोबल मिडिया एण्ड रिसर्च सेन्टर र औरियन प्रोडक्सनको ब्यानरमा निर्माण भएको फिल्मको पटकथा, संवाद आकाश बरालले लेखेका हुन्।
कमेडी हरर जनरामा बनेको फिल्म ‘फोन भूत’ मा कट्रीना कैफ, सिद्धान्त चतुर्वेदी, इशान खट्टर, ज्याकी श्राफ, निधि विष्ट, मनुज शर्मालगायत कलाकारको अभिनय छ। यो फिल्मलाई गुरमीत सिंहले निर्देशन गरेका हुन्।
