रामबाबु गुरुङ निर्देशित फिल्म 'फूलबारी' को पहिलो पोस्टर सार्वजनिक गरिएको छ।
निर्माता मनिष ढकालको जन्मदिनको अवसर पारेर फिल्मको पोस्टर सार्वजनिक गरिएको हो।
आइतबार सार्वजनिक गरिएको पोस्टरमा विपिन कार्की, दयाहाङ राई, प्रियंका कार्की, अरुणा कार्की, शिल्पा मास्के, गौमाया गुरुङलाई देख्न सकिन्छ।
यशोदा फिल्म्सको ब्यानरमा निर्माण भएको फिल्मको कथा र कन्सेप्ट कमल किशोर मलपानीको हो। भने पटकथा उपेन्द्र सुब्बाले तयार पारेका हुन्।
अभिभावक र सन्तानबीचको सम्बन्धको कथामा बनेको फिल्ममा विपिन, दयाहाङ, प्रियंका, अरुणा, शिल्पा, गौमायासँगै लोकेन्द्र लेखक, सोमनाथ खनाल, अनुपम शर्मा, मनिष ढकाल, साक्षी सिंह भण्डारी, रुजा राउत, रुपेश दाहाल, सुमित्रा गोम्जा, कायरा कार्कीलगायत कलाकारको अभिनय छ।
मणिराम पोखरेलले कार्यकारी निर्माता रहेको फिल्ममा मनिष ढकाल निर्माताको रुपमा रहेका छन्। जोस हेरुमले छायांकन गरेको फिल्ममा कालीप्रसाद बाँस्कोटा र अनुपम शर्माको संगीत छ।
यो फिल्म आगामी फागुन ५ गतेबाट प्रदर्शन हुनेछ।
