गायिका रेखा जोशीको स्वरमा 'शिरफूल- सुनका बाला २' गीत सार्वजनिक भएको छ।
नेपमेलो नामक युट्युब च्यानलबाट सार्वजनिक गरिएको गीतमा मिस्टर आरजेको शब्द तथा संगीत छ।
काठमाडौंमा काम गर्न गएका आफ्ना श्रीमानलाई सम्झिएर सुदूरपश्चिमकी एक महिलाले पोखेको भाव गीतमा समेटिएको छ।
गीतको भिडिओमा लक्ष्मी बर्देवा र जीवन भट्टराईलाई देख्न सकिन्छ। वास्तविक जीवनका दम्पतिले गीतमा पनि दम्पतिकै भूमिका निर्वाह गरेका छन्। भिडिओमा उनीहरूको साथमा अश्विनी बर्देवाको अभिनय छ।
बुद्ध लामाले छायांकन गरेको गीतको भिडिओलाई विष्णु खड्काले सम्पादन गरेका छन्।
यो म्युजिक भिडिओलाई लक्ष्मी र जीवनले निर्देशन गरेका हुन्।
