अभिनेत्री रिस्ता बस्नेत अभिनीत फिल्म 'पासो'को प्रदर्शन मिति घोषणा गरिएको छ।
फिल्मको पोस्टर सार्वजनिक गर्दै प्रदर्शन मिति घोषणा गरिएको हो। यो फिल्म मंसिर १६ गतेदेखि प्रदर्शन हुनेछ।
एक्सन थ्रिलर जनराको फिल्ममा रिस्तासँगै सुनिशा बजगाईं, रामकुमार बास्ताकोटी, प्रतिक दुलाल, प्रनव आकाशलगायत कलाकारको अभिनय छ।
दुई मिल्ने साथीलाई एक अज्ञात अपराधिक समूहले अपहरण गरेपछि उनीहरूले बाँच्नका लागि गरेको संघर्षलाई फिल्ममा देखाइएको छ।
आरबी पुनको लेखन तथा निर्देशन रहेको फिल्मलाई भगवान भुजेलले निर्माण गरेका हुन्। फिल्ममा बसन्त घिमिरे, अनु मुस्कान, अनुराग ढुंगाना, सरस्वती गुरुङ सह-निर्माताको रुपमा छन्।
फिल्मको नेट कलेक्शनको १५ प्रतिशत रकम धादिङमा निर्माण हुन गइरहेको ‘जीवन विज्ञान’ धाम निर्माणार्थ प्रदान गरिने निर्माता भगवान भुजेलले जानकारी दिए।
बिआर इन्टरटेन्मेन्ट प्रालीको ब्यानरमा निर्माण भएको फिल्मलाई काठमाडौंमा रिच इन्टरटेन्मेन्टले र काठमाडौं बाहिर एफडी कम्पनीले वितरण गर्नेछ।
