कैलाश राई निर्देशित फिल्म ‘मनसँग मन’को प्रदर्शन मिति घोषणा गरिएको छ।
निर्माण टिमले एक पोस्टर सार्वजनिक गर्दै फिल्मको प्रदर्शन मिति घोषणा गरेका हुन्। यो फिल्म माघ २० गतेदेखि प्रदर्शन हुनेछ।
यो फिल्म भारतमा प्रदर्शन भइसकेको छ। फिल्मले भारतमा दर्शकको राम्रो प्रतिक्रिया पाएको थियो। भारतमा फिल्म रुचाइएपछि पुन: मंसिर २५ गतेबाट दिल्ली, गुजरात, आसाम लगायतका सहरमा प्रदर्शन गर्न लागिएको निर्माण पक्षले जानकारी दिए।
अरुण तामाङले निर्माण गरेको फिल्ममा पुष्प खड्का, वर्षा सिवाकोटी, बुद्धि तामाङ, महेन्द्र बगदास, सन्ते दा, चाँदनी प्रधानलगायत कलाकारको अभिनय छ। फिल्ममा अभिनेता पल शाह र अभिनेत्री पूजा शर्मा विशेष भूमिकामा देखिनेछन्।
सौरभ इन्टरटेन्मेन्ट र बलाली इन्टरटेन्मेन्टको ब्यानरमा निर्माण भएको फिल्ममा अर्जुन पोखरेल र अगोम गुरुङको संगीत, कमल राई र रामजी लामिछानेको कोरियोग्राफी, सौरभ लामाको छायांकन, अर्जुन जीसीको सम्पादन छ।
