आज शुक्रबार हलमा एक नेपाली र एक बलिउड फिल्म प्रदर्शनमा आएका छन्।
नेपाली फिल्मतर्फ सलोन बस्नेत अभिनीत ‘मीलन’ र बलिउड फिल्मतर्फ वरुण धवन अभिनीत ‘भेडिया’ प्रदर्शनमा आएका हुन्।
टेक पौरखी राईको लेखन तथा निर्देशन रहेको फिल्म ‘मीलन’ मा अभिनेता सलोन बस्नेत, कुशल शाह ठकुरी र अभिनेत्री शिल्पा थापाको मुख्य भूमिका छ। यसै फिल्मबाट कुशल र शिल्पाले डेब्यु गर्दैछन्।
फिल्ममा सुमिन गुरुङ, शिशिर बांग्देल, विशाल पहाडी, जानुका पौडेल, रेजिना एक्चै मगर, डेनियल खड्का, करन थापा मगरलगायत कलाकारको अभिनय छ। प्रविन थापा फिल्मका निर्माता हुन्।
प्रेम कथामा निर्माण भएको फिल्म काठमाडौं र कालिन्चोकमा छायांकन गरिएको हो।
त्यस्तै बलिउड फिल्म ‘भेडिया’ अमर कौशिकले निर्देशन गरेका हुन्।
हरर कमेडी फिल्ममा वरुण धवन, कृति सेनन, दीपक दोब्रियाल, अभिषेक बर्नेजी, पलिन कबकलगायत कलाकारको अभिनय छ।
दिनेश विजनले निर्माण गरेको फिल्ममा वरुण सामान्य मान्छेबाट भेडिया (ब्वाँसो) बनेको कथा देखाइएको छ।
'मीलन' काे ट्रेलर हेर्नुस्:
'भेडिया' काे ट्रेलर हेर्नुस:
