कमल एक्चै मगर निर्देशित फिल्म 'डेसान' को ट्रेलर सार्वजनिक गरिएको छ।
शुक्रबार पर्फमिङ क्रिएसन आर्टको युट्युब च्यानलबाट फिल्मको ट्रेलर सार्वजनिक गरिएको हो। सार्वजनिक ट्रेलरमा विवाहेत्तर सम्बन्धले वैवाहिक जीवनमा आउने उतारचढाबलाई देखाइएको छ।
फिल्ममा नम्रता सापकोटा र भोला सापकोटा श्रीमान-श्रीमतीको रुपमा प्रस्तुत गरिएको छ भने निशान चौहान र पुनम थापालाई श्रीमान-श्रीमतीको रुपमा प्रस्तुत गरिएको छ। फिल्ममा निशान र पुनमको वैवाहिक जीवनमा नम्रता सापकोटाको आगमनले प्रभाव पारेको देखाइएको छ।
फिल्ममा नम्रता, भोला, निशान र पुनमसँगै कविता आले, शम्भु थापा, क्षितिज सुवेदी, अरुश जंग सरु, मलाइका बस्नेत, प्रमिशा सरु, कमला रानालगायत कलाकारको अभिनय छ। पुनम र निशानको यो डेब्यू फिल्म हो।
राज थापा काउचाको कथा रहेको फिल्मको पटकथा निर्देशक कमल स्वयंले लेखेका हुन्।
पर्फमिङ आर्ट क्रिएसनको ब्यानरमा बनेको फिल्ममा कृशाला मगर कार्यकारी निर्माता रहेकी छन्। चक्रबहादुर महर्जनले छायांकन गरेको फिल्मलाई मिलन श्रेष्ठले सम्पादन गरेका हुन्।
यो फिल्म मंसिर २३ गतेबाट प्रदर्शन हुनेछ।
