आज शुक्रबार हलमा नेपाली फिल्म ‘पासो’ प्रदर्शन भएको छ।
कुनै पनि विदेशी फिल्महरू प्रदर्शन नहुँदा रिस्ता बस्नेत अभिनीत फिल्म ‘पासो’ ले सोलो रिलिजको अवसर पाएको छ।
एक्सन थ्रिलर जनराको फिल्ममा रिस्तासँगै सुनिशा बजगाईं, रामकुमार बास्ताकोटी, प्रतिक दुलाल, प्रनव आकाशलगायत कलाकारको अभिनय छ।
दुई मिल्ने साथीलाई एक अज्ञात अपराधिक समूहले अपहरण गरेपछि उनीहरूले बाँच्नका लागि गरेको संघर्षलाई फिल्ममा देखाइएको छ।
आरबी पुनको लेखन तथा निर्देशन रहेको फिल्मलाई भगवान भुजेलले निर्माण गरेका हुन्। फिल्ममा बसन्त घिमिरे, अनु मुस्कान, अनुराग ढुंगाना, सरस्वती गुरुङ सह-निर्माताको रुपमा छन्।
फिल्मको नेट कलेक्शनको १५ प्रतिशत रकम धादिङमा निर्माण हुन गइरहेको ‘जीवन विज्ञान’ धाम निर्माणार्थ प्रदान गरिने निर्माता भगवान भुजेलले बताएका छन्।
बिआर इन्टरटेन्मेन्ट प्रालीको ब्यानरमा निर्माण भएको फिल्मलाई काठमाडौंमा रिच इन्टरटेन्मेन्टले र काठमाडौं बाहिर एफडी कम्पनीले वितरण गर्नेछ।
यतिबेला हलमा 'महापुरुष, दृश्यम २, भेडिया, उचाई, ब्ल्याक प्यान्थर: वाकाण्डा फरेभर' प्रदर्शन भइरहेका छन्।
