आगामी पुस २२ गतेदेखि प्रदर्शनको तयारीमा रहेको फिल्म 'चि मुसी चि: इभन डेड डिजायर बिलङ्गिङ' को मोसन पोस्टर सार्वजनिक गरिएको छ।
पुस १५ गते प्रदर्शन हुने भनिएको फिल्म एक साता सारिएको उक्त पोस्टरमार्फत जानकारी दिइएको हो।
अहिलेको अवस्थामा दुई राम्रो नेपाली फिल्म एकै मितिमा जुधाउनुभन्दा एक हप्तापछि सोलो रिलिज गर्नु उपयुक्त लागेको निर्माता अरुण चक्रवर्तीले बताए।
फिल्म सार्वजनिक मोसन पोस्टरमा अभिनेत्री प्रिंयका कार्की, ऋचा शर्मा, बेनिशा हमाल, आयुष्मान देशराज जोशी, राजन खतिवडा, रविन्द्र झा, गौरव विष्टलाई समावेश गरिएको छ।
एमी स्टुडिओ प्रोडक्सनको ब्यानरमा निर्माण भएको हरर थ्रिलर फिल्ममा प्रियंका कार्की, ऋचा शर्मा, बेनिशा हमाल, आयुष्मान देशराज जोशी, राजन खतिवडा, रविन्द्र झा, गौरव विष्ट, आरपी पोखरेल, अरुण चक्रवर्तीलगायत कलाकारको अभिनय छ।
यसले नेपालमा हरर थ्रिलर फिल्मको ट्रेन्ड स्थापित गर्ने निर्माता चक्रवर्तीको विश्वास छ।
यो फिल्मलाई मार्ना जेम्स र यश सैनीले संयुक्त रूपमा निर्देशन गरेका हुन्। फिल्ममा चक्रवर्तीसँगै रिञ्जु केसीको लगानी रहेको छ।
सुशन प्रजापतिले छायांकन गरेका फिल्मलाई यश सैनीले सम्पादन गरेका छन्।
