कतारमा भइरहेको फिफा विश्वकप फुटबललाई मध्यनजर गर्दै 'भकुन्डो ब्याटल फेस्ट' प्रतियोगिता भएको छ।
३ राउण्ड ब्याटल गरिने कार्यक्रममा र्यापर मानस घले निर्णायकको रूपमा देखिने छन् भने कार्यक्रमको सञ्चालन भोयोमाले गर्नेछन्।
आरएनएस क्रियसनले आयोजना गरेको कार्यक्रममा प्रतियोगीहरूले फुटबल खेलाडी पेले, मेरेडोना, मेसी, रोनाल्डोसहित फिफामा सहभागी देशलाई समर्थन गर्दै र्याप प्रस्तुत गर्नेछन्। प्रतियोगी मेक (अर्जेन्टिना), भोइड (पेले), रमन (मेरेडोना), सेभेक (ब्राजिल) भएर स्टेजमा देखिने छन्।
‘भकुन्डो ब्याटल फेस्ट’ को पहिलो एपिसोड सार्वजनिक भइसकेको छ जसमा ब्राजिलको समर्थनमा सेभेक भर्सेस अर्जेन्टिनाको समर्थनमा मेकले प्रस्तुति दिएका थिए।
दर्शकको भोटको आधारमा प्रतियोगीहरू पहिलो, दोस्रो र तेस्रो हुनेछन्। र्यापरहरूलाई भोट गर्नका लागि दर्शकले अनलाइन एप दामी म्युजिकमा इ-सेवा, आएमी-पेबाट भोट गर्न सक्नेछन्।
विजेता हुने प्रतियोगीले २५ हजार रुपैयाँ पाउने छन् भने सहभागीले १० हजार रुपैयाँ पाउने छन्। कार्यक्रमको फाइनल रिजल्ट फिफा फाइनलको एक दिन अगाडि हुनेछ।
यस ब्याटल डिस होमको ११२ च्यानल डि म्युजिक टिभीसँगै ओएसआर रियालिटी युट्युब च्यानलबाट प्रसारण हुनेछ।
