गायिका रचना रिमाल र गायक किरण भुजेलको स्वर रहेको ‘लुखुर लुखुर’ बोलको गीतको भिडिओ रिलिज भएको छ। गीतमा नागेन्द्र श्रेष्ठको संगीत र गीतकार थापाको शब्द रहेको छ। काठमाडौंका रमणीय स्थानमा २ दिन लगाएर छायांकन गरिएको भिडिओमा चर्चित अभिनेता विल्सनविक्रम राई, सागर खनाल, बेदना राई, लोसीना लामिछाने, सौगात करनजीत र गंगा कुंवरको अभिनय देख्न सकिन्छ।
बैंशालु उमेरमा सुटुक्क प्रेममा पर्ने युवाहरूको कथामा लोसीना, सागर, विल्सन र बेदना गज्जबसँग खुलेका छन्। बेलायतबाट भर्चुअल माध्यमबाट ६ वटा भिडिओ निर्देशन गरिसकेका निर्देशक थापाको ‘लुखुर लुखुर’ सातौं प्रस्तुति हो। यसअघि उनले भर्चुअल माध्यमबाट बेलायतदेखि नै भिडिओको निर्देशन गर्दै आएका थिए।
गीतकार तथा निर्देशक थापाकै निर्माण रहेको भिडिओको कोरियोग्राफी प्रमोद के भण्डारीले गरेका हुन्। संजय लामाको छायांकन, प्रवीन भट्टको सम्पादन र राजेन्द्र मोक्तानको कलरिङ रहेको भिडिओ द रिल्स इन्टरटेन्मेन्टमार्फत् बजारमा आएको हो।
