मिलन चाम्सको निर्माण तथा निर्देशन रहेको फिल्म 'गोर्खा वारियर' को टिजर सार्वजनिक भएको छ।
बिहीबार काठमाडौंमा एक कार्यक्रम गर्दै फिल्मको टिजर सार्वजनिक गरिएको हो।
नेपाली, हिन्दी र अंग्रेजी भाषामा निर्माण गरिएको फिल्ममा सन् १९४९ मा ‘मलाय इमर्जेन्सी जंगल वार’ मा गोर्खाली सैनिकको साहसिक युद्धकथालाई प्रस्तुत गरिएको छ।
फिल्ममा रितेश चाम्स, विजय लामा, रेविका गुरूङ, रियर राई, शिशिर बाङ्देल, कविता आले, सुरज तमु, भुवन सिंह राई, सरोज खलिङलगायत कलाकारको अभिनय छ।
लन्डन सिनेआई प्रोडक्सन र चाम्स इन्टरटेन्मेन्टको सहकार्यमा निर्माण भएको फिल्मको निर्मातामा सुस्मिता वाइवा, सुमन राई छन्। यस्तै कार्यकारी निर्मातामा प्रशान्त थापा र राजेन्द्र घिमिरे छन्।
नेपाल र मलेसियामा छायांकन गरिएको फिल्मको कथा निर्देशक चाम्स र गिरिराज घिमिरेले तयार पारेका हुन्।
सुदीप बरालले छायांकन गरेको फिल्मलाई अर्जुन जिसीले सम्पादन गरेका छन्।
यो फिल्म आगामी वर्ष प्रदर्शन हुनेछ।
