सारा सिर्पाली अभिनीत फिल्म 'गुञ्जन' को ट्रेलर सार्वजनिक भएको छ।
शुक्रबार ओएसआर डिजिटलबाट सार्वजनिक गरिएको ट्रेलरमा प्रेम, बिछोड र बदलाको कथा देखाइएको छ।
एक मिनेट ४५ सेकेन्डको ट्रेलरमा सारा सिर्पाली, प्रितमराज सेन्चुरी र कबिर खड्काबीचको त्रिकोणात्कम प्रेमलाई देख्न सकिन्छ।
हिराकृष्ण शाहीको प्रस्तुति र सुनिता शाही निर्माता रहेको फिल्म एएच इन्टरटेन्मेन्टको ब्यानरमा निर्माण भएको हो।
अष्ट महर्जनको निर्देशन रहेको फिल्ममा सारासँगै प्रितमराज सेन्चुरी, सरोज खनाल, हिउँवाला गौतम, कविर खड्का, निरुता स्याङतान, इभा श्रेष्ठ, कन्चन चालिसेलगायत कलाकारको अभिनय छ। विगत २ दशकदेखि द्वन्द्व निर्देशन गर्दै आएका अष्ट महर्जनको यो डेब्यु निर्देशन फिल्म हो।
अभिनेता प्रितमराजले पनि यसै फिल्मबाट अभिनयमा डेब्यु गर्दैछन्।
प्रेमकथामा निर्माण भएको फिल्म काठमाडौं, पोखरा, जोमसोम र दुबईमा छायांकन गरिएको हो।
राजेश श्रेष्ठले छायांकन गरेको फिल्मलाई विपिन मल्लले सम्पादन गरेका हुन्। फिल्मका वितरक काठमाडौंमा जिजिए ग्रुप र काठमाडौं बाहिर एफडी कम्पनी रहेको छ।
यो फिल्म पुस २९ गतेदेखि प्रदर्शन हुँदैछ।
