चर्चित कमेडी रियालिटी शो 'कमेडी च्याम्पियन' तेश्रो सिजनको अडिसन खुला गरिएको छ।
पुस २७ देखि माघ १६ गतेसम्म सहभागी हुन चाहने प्रतिस्पर्धीहरूले अडिसन दिन सक्ने निर्देशक विशाल भण्डारीले जानकारी दिए।
सहभागी हुन चाहने प्रतिस्पर्धीले पे वेल एप डाउनलोड गरेर आफ्नो भिडिओ पठाउन सक्नेछन्। भिडिओको लम्बाई ५ मिनेटसम्मको हुनुपर्ने बताइएको छ।
आयोजकले भिडिओ प्राप्त गरेपछि उत्कृष्टलाई छनोट गरेर फिजिकल अडिसनमा सहभागी गराउनेछन्।
‘कमेडी च्याम्पियन’को पहिलो सिजन हिमेश पन्तले जितेका थिए भने दोश्रो सिजन भरतमणी पौडेलले जितेका थिए।
थ्रि प्रोडक्शन प्रालीले यो शोको निर्माण गर्दै आएको छ।
