रामबाबु गुरुङ निर्देशित फिल्म 'फूलबारी' को पहिलो गीत सार्वजनिक भएको छ।
चल/अचल दृश्यसहितको ‘माया रैछ र’ बोलको गीत सार्वजनिक गरिएको हो। फिल्ममा अभिनेता विपिन कार्की र अभिनेत्री अरुणा कार्कीको जोडी बाँधिएको छ। यी दुई पाका दम्पतीको भूमिकामा प्रस्तुत भएका छन्।
यो गीतमा पारिवारिक खुसिसँगै पीडा पनि झल्काइएको छ। कालीप्रसाद बाँस्कोटाको शब्द, संगीत र स्वर रहेको गीतमा सदिक्षा कट्टेल पनि आवाज दिएकी छन्।
फिल्ममा विपिन, अरुणासँगै दयाहाङ राई, गौमाया गुरुङ, प्रियंका कार्की, सोमनाथ खनाल, शिल्पा मास्के, अनुपम शर्मा, मनिष ढकाल, लोकेन्द्र लेखक साक्षी सिंह भण्डारीलगायत कलाकारको अभिनय छ।
अभिभावक र सन्तानबीचको सम्बन्धको कथा भन्ने फिल्ममा उपेन्द्र सुब्बाको पटकथा र कमल किशोर मलपानीको कथा छ। जोश हेरुमले छायांकन गरेको फिल्मलाई निमेष श्रेष्ठले सम्पादन गरेका छन्।
यसोदा फिल्म्सको ब्यानरमा निर्माण फिल्ममा मनिष ढकालको लगानी छ।
यो फिल्म फागुन ५ गतेदेखि प्रदर्शन हुनेछ। यसै वर्ष रामबाबु निर्देशित फिल्म ‘कबड्डी ४’ ले सर्वाधि कमाइ गर्ने फिल्मको रेकर्ड राखेको थियो।
