आर्टमान्डुले नयाँ म्युजिकल फिल्म 'चन्द्रमा' सार्वजनिक गरेको छ।
आर्टमाण्डुको युट्युब च्यानलमार्फत सार्वजनिक गरिएको गीत यतिबेला ट्रेन्डिङको ११ नम्बरमा छ। गीतले ३ लाख ८१ हजारभन्दा बढी भ्युज पाएको छ।
नवीन चौहानले निर्देशन गरेको गीतमा सबिन कार्की (बिस्ट), मलिका महत र सनाया लिम्बुको अभिनय छ।
गीतमा एसडी योगी र रेश्मा पुनले आवाज दिएका छन्। सुष्मा सिग्देलको शब्द रहेको गीतमा सुशान्त गौतमले संगीत भरेका छन् भने रिकेश गुरुङको संगीत संयोजन छ।
सुटिङ हेर्न आउने स्थानीय केटाकेटीका रमाइला घटनालाई गीतमा प्रस्तुत गरिएको छ।
निर्देशक चौहानले यस म्युजिकल फिल्ममार्फत् चर्चित चाइनिज फिल्म निर्देशक झांग यी माओ र उनको फिल्म ‘द रोड होम’ लाई ट्रीब्युट दिएको बताएका छन्।
योगेश दाहालले छायांकन गरेको म्युजिकल फिल्मलाई कृष्ण भण्डारीले सम्पादन गरेका हुन्।
नवीन चौहानले यसअघि तीनपाते, के माया लाग्छ र?, घुमीघुमी जस्ता चर्चित गीत निर्देशन गरिसकेका छन्।
