गायक रोशन अधिकारीले नयाँ गीत सार्वजनिक गरेका छन्।
उनले मंगलबार आफ्नो जन्मदिनको अवसर पारेर ‘शंका गर्या हैन’ बोलको गीत सार्वजनिक गरेका हुन्। उनलाई स्वरमा गायिका अनु चौधरीले साथ दिएकी छन्।
जश्मीन श्रेष्ठको शब्द रहेको गीतमा अर्जुन पोखरेलले भरेका छन् भने संगीत संयोजन सञ्जीव बराइलीको छ।
युवायुवतीबीच प्रेममा हुने माया र डाहाको भाव गीतमा समावेश गरिएको छ। गीतको भिडिओमा गायक तथा मोडल रोशन अधिकारी र गीता ढुंगानालाई देख्न सकिन्छ।
यो म्युजिक भिडिओलाई माइकल चन्दले निर्देशन गरेका हुन्। नवराज उप्रेतीले छायांकन गरेको म्युजिक भिडिओलाई शिलन लम्सालले सम्पादन गरेका छन्।
गायक अधिकारीले जन्मदिनको अवसरमा मानव सेवा आश्रमलाई ३ लाख ३ हजार नगदसहित १ सय वटा ब्ल्यांकेट र खाद्यान्न सहयोग गरेका छन्। साथै उनले आगामी एक वर्ष मासिक १ लाखको दरले आश्रमलाई सहयोग गर्ने बताएका छन्।
