'मिस्टर नेपाल वर्ल्ड' नुतन श्रेष्ठले 'मिस्टर ग्लोबल' मा नेपालको प्रतिनिधित्व गर्ने भएका छन्।
यो वर्ष ‘मिस्टर वर्ल्ड’ आयोजना नहुने भएकोले श्रेष्ठलाई ‘मिस्टर ग्लोबल’ मा पठाउन लागेको नेक्स्ट मोडल्स नेपालका सिइओ रवि धमलाले बताए।
आगामी माघ १९ देखि २९ गतेसम्म थाइल्याण्डमा आयोजना हुने प्रतियोगीता उनी नेपाली कला संस्कृतिसहित सहभागी हुन लागेका हुन्। जसका लागि उनले प्रशिक्षणदेखि विभिन्न तयारी समेत गरिरहेका छन्।
‘मिस्टर ग्लोबल’ मा करिब ६० बढी देशका पुरुषहरूको सहभागीता रहनेछ।
‘मिस्टर ग्लोबल’ को उपाधि नेपाल भित्र्याउने लक्ष्यसहित प्रतियोगीतामा सहभागी हुन लागेको श्रेष्ठले बताए। ‘उपाधिसँगै नेपाली कला संस्कृति, प्रर्यटन प्रवर्द्धन समेत प्रतियोगितामा गर्नेछु,’ उनले भने।
श्रेष्ठ ‘मिस्टर नेपाल वर्ल्ड २०२२’ का विजेता हुन्। २६ वर्षका श्रेष्ठले ३५ प्रतिस्पर्धीलाई पछि पार्दै उपाधि जितेका थिए।
