अस्मिता अधिकारी र लव ज्याक डी दिनेश (दिनेश सुनुवार) को स्वरमा 'तिमी जस्ती राम्री' बोलको गीत सार्वजनिक भएको छ।
शनिबार सी ज्याक नेपाल युट्युब च्यानलमार्फत गीतको भिडिओ सार्वजनिक गरिएको हो। सार्वजनिक म्युजिक भिडिओमा प्रमिला कार्की र दीपेन ताम्राकारको अभिनय छ। नृत्य निर्देशन पनि दीपेनले नै गरेका हुन्।
रवि मल्लको शब्द तथा संगीत रहेको गीतलाई उदयराज पौडेलले संगीत संयोजन गरेका हुन्।
यस गीतलाई इटी मगरले निर्देशन, छायांकन तथा सम्पादन गरेका हुन्।
