शोभित बस्नेत प्रस्तुतकर्ता रहने फिल्म 'जय हो' मा अभिनेता अर्पण थापा अनुबन्धित भएका छन्।
सोमबार निर्माण कम्पनी सलोन सलिना फिल्म्स र कलाकार अर्पण थापाबीच लिखित सम्झौता भएको हो। यसअघि अभिनेता सलोन बस्नेतलाई मात्र अनुबन्धित गरिएको थियो।
फिल्ममा अपर्ण र सलोन मुख्य भूमिकामा देखिनेछन्। फिल्मको कथा सुरेश न्यौपानेले तयार पारेका हुन्।
माघ अन्तिम सातादेखि छायांकनमा जाने फिल्मको काठमाडौं, पोखरा र मुस्ताङमा खिचिनेछ।
एक्सन तथा लभस्टोरी जनरामा निर्माण हुन लागेको फिल्ममा शम्भुजित बाँस्कोटा र सागर आले मगरको संगीत सौरभ लामाको छायांकन रहनेछ।
टेक पौरखी राईले निर्देशन गर्ने फिल्ममा राज के अधिकारी र सुरज सरकारको लगानी रहनेछ। अधिकारी र सरकार जय हो बिजनेश ग्रुप र सनराइज ग्रुप अष्ट्रेलिया रकडेलका सञ्चालक हुन्।
फिल्ममा राम्जी राउत क्रियटिभ निर्देशकको रुपमा रहनेछन्।
