अभिनेता अनमोल केसी अभिनीत फिल्म '२.० छड्के' को एक गीतमा चर्चित र्यापर भिटेनले स्वर भरेका छन्।
बुधबार काठमाडौंको एक स्टुडियोमा रेकर्ड गरिएको फिल्मको गीतमा भिटेनले स्वर भरेका हुन्। यो गीतको शब्द तथा संगीत भिटेन स्वयंले तयार पारेका हुन्।
‘कथा सुहाउँदो भएको कारण भिटेनको गीत फिल्ममा समावेश गरेका हौं,’ निर्माता प्रशान्त गिरीले भने।
ग्याङस्टार जनरामा निर्माण भएको फिल्ममा अनमोलको भिन्न लूक्स देख्न सकिन्छ। निगम श्रेष्ठको लेखन तथा निर्देशनमा निर्माण भएको फिल्ममा अनमोलसँगै रोविन तामाङ, कमलमणि नेपाल, सिर्जना सुब्बा, रेशा आले मगरलगायत कलाकारको अभिनय छ।
यो रिभेन्ज ग्याङस्टार फिल्म हो।
काभ्रे फिल्म्सको ब्यानरमा निर्माण भएको फिल्ममा मेधा प्रोडक्सन र निर्भाना फिल्म स्कुलले सहकार्य गरेका छन्। प्रशान्त गिरी र देवकुमार श्रेष्ठ निर्माता रहेका फिल्मको कार्यकारी निर्मातामा निर्भाना फिल्म स्कुल र लक्ष्मण काफ्ले छन्।
यो फिल्म फागुन १९ गतेदेखि प्रदर्शन हुनेछ।
