आज हलमा दुई नेपाली फिल्म 'तिम्रो मेरो साथ' र 'गुञ्जन' प्रदर्शनमा आएका छन्।
त्रिकोणात्क प्रेमकथामा बनेको फिल्म ‘तिम्रो मेरो साथ’ मा पुष्प खड्का, साम्राज्ञी राज्यलक्ष्मी शाह, सन्दीप क्षेत्री, खड्कबहादुर पुन (खबपु), सरोज खनाल, दिपिशा केसीलगायतको अभिनय छ।
रमेश एमके पौडेल निर्देशित फिल्मको कथा शबिर श्रेष्ठ र बाबुराम निरौलाले तयार पारेका हुन्।
आर्यन फिल्मस् तथा बोधी एच डी ब्यानरमा निर्माण भएको फिल्मको निर्माता पासाङ लामा, आर्यन पौडेल र अर्नव पौडेल हुन्। शिव ढकालको छायांकन गरेको फिल्मलाई भुपेन्द्र अधिकारीले सम्पादन गरेका छन्।
त्रिकोणात्मक प्रेमकथामा बनेको फिल्म ‘गुञ्जन’ मा सारा सिर्पाली, प्रितमराज सेन्चुरी, सरोज खनाल, हिउँवाला गौतम, कविर खड्का, निरुता स्याङतान, इभा श्रेष्ठ, कन्चन चालिसेलगायत कलाकारको अभिनय छ। अभिनेता प्रितमराजले पनि यसै फिल्मबाट अभिनयमा डेब्यु गर्दैछन्।
विगत २ दशकदेखि द्वन्द्व निर्देशन गर्दै आएका अष्ट महर्जनको यो डेब्यु निर्देशन फिल्म हो।
हिराकृष्ण शाहीको प्रस्तुति र सुनिता शाही निर्माता रहेको फिल्म एएच इन्टरटेन्मेन्टको ब्यानरमा निर्माण भएको हो। राजेश श्रेष्ठले छायांकन गरेको फिल्मलाई विपिन मल्लले सम्पादन गरेका हुन्।
यी फिल्मसँगै हलमा नेपाली फिल्म ‘चि मुसी चि’ र हलिउड फिल्म ‘अवतार’ प्रदर्शनमा आइरहेका छन्।
