गायिका रचना रिमाल र गायक भीम दोर्जे तामाङको स्वर रहेको दिलराजा बोलको गीतको भिडिओ रिलिज गरिएको छ।
सार्वजनिक गीतमा शब्द र संगीत रमेश दर्नालको छ। काठमाडौंको चोभार, कपन, भद्रकाली लगायतका स्थानमा छायांकन गरिएको भिडिओमा पछिल्लो समयका चर्चित मोडलद्वय गरिमा शर्मा र सुधिर श्रेष्ठको अभिनय देख्न सकिन्छ।
भिडिओले गहिरो प्रेममा रहेको एक मायालु जोडीको सफलताको प्रेम कथालाई देखाएको छ। गीतकार लोकराज अधिकारी क्रिएटिभ डाइरेक्टर रहेको भिडिओमा सुब्रत आचार्य अतिथि कलाकारको रूपमा छन्।
शरद पाण्डेको कन्सेप्ट र निर्देशन रहेको भिडिओको छायांकन उत्सव दाहालले गरेका हुन् भने सम्पादन विकाश दाहालले गरेका हुन्। जसको निर्माण दिपखुशी लामाले गरेकी हुन्। भिडिओ निर्मात्री लामाकै अफिसियल च्यानलबाट बजारमा आएको हो।
