अभिनेता जितु नेपाल र साम्राज्ञी राज्यलक्ष्मी शाह अभिनीत फिल्म 'ह्यारीकी प्यारी' को दोस्रो गीत सार्वजनिक भएको छ ।
बुधबार फिल्ममा समावेश ‘मिठो मिठो’ बोलको गीत ओएसआर युट्युब च्यानलमार्फत सार्वजनिक गरिएको हो। निर्देशक कपिल रिजालको शब्द रहेको गीतमा युग भुषालको संगीत छ।
सौरव दास र देवाञ्जली बि जोशीको स्वर रहेको गीतमा जितु र साम्राज्ञीलाई देख्न सकिन्छ। फिल्ममा सम्झौताको विवाहले ल्याउने उतारचढावलाई देखाइएको छ।
कमेडी जनराको फिल्मलाई चिकित्सक भोला रिजालका छोरा कपिल रिजालले निर्देशन गरेका हुन्। दन्त चिकित्सक कपिल रिजाल यही फिल्मबाट निर्देशनमा डेब्यू गर्दैछन्।
बिआर प्रोडक्सनकको प्रस्तुतीमा निर्माण भएको फिल्ममा जितु र विजयसँगै साम्राज्ञी राज्यलक्ष्मी शाह, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, डिल्लीराम खनाल, रमेश अधिकारीलगायतको अभिनय छ।
फिल्मको कथा निर्देशक रिजाल स्वयंले तयार पारेका हुन् भने पटकथा र संवाद उनीसँगै सुदीप बराल, गिरीराज घिमिरे, अभिमन्यू निरवीले मिलेर लेखेका हुन्। सुदीप बरालले छायांकन गरेको फिल्मलाई अर्जुन जिसीले सम्पादन गरेका छन्।
यो फिल्म माघ २० गतेदेखि प्रदर्शन हुँदैछ।
