गायक दिनेश गौतम र अनु सिंहको स्वर रहेको 'गैँडा चुरोट' बोलको गीत सार्वजनिक भएको छ।
बिहीबार गायक गौतमकै युट्युब च्यानलबाट गीत सार्वजनिक गरिएको हो।
विदुर तिमल्सिना ‘देवदुत’ को शब्द रहेको गीतमा पुस्तक प्रसादले संगीत भरेका छन्। गीतमा प्रदीप बास्तोला र सृष्टी खड्काको अभिनय देख्न सकिन्छ।
अर्जुन तिवारीले छायांकन गरेको गीतको भिडिओलाई सुप्रिम पराजुलीले सम्पादन गरेका छन्।
रामचन्द्र गौतमको निर्माणमा तयार भएको गीतलाई राजिव समरले निर्देशन तथा कोरियोग्राफी गरेका हुन्।
