गोविन्द सिंह भण्डारीको लेखन तथा निर्देशन रहेको फिल्म 'प्रेमा' को पोस्टर सार्वजनिक भएको छ।
फिल्मको तीन पोस्टर सार्वजनिक गर्दै प्रदर्शन मिति घोषणा गरिएको छ। यो फिल्म आगामी चैत १७ गतेदेखि प्रदर्शन हुनेछ।
सार्वजनिक एक पोस्टरमा अरुण क्षेत्री, सुवेक्षा खड्का र सृष्टि श्रेष्ठलाई स्थान दिइएको छ। दोस्रो पोस्टरमा अरुण र सुवेक्षा तथा सृष्टि र अरुणलाई रोमान्टिक भावमा देखाइएको छ। तेस्रो पोस्टरमा सुवेक्षा, अरुण र सृष्टिलाई देख्न सकिन्छ।
बाघठाटा फिल्म फ्याक्ट्री ब्यानरबाट निर्माण भएको फिल्ममा त्रिकोणात्मक प्रेमकथा देखाइएको छ।
फिल्म निर्माणमा निर्देशक गोविन्दसँगै विवेक घिमिरेले सहकार्य गरेका छन्।
फिल्ममा अरुण, सुवेक्षा र सृष्टिसँगै विमला केसी, हिउँवाला गौतम, पुरण जोशी, सविन बास्तोला, रोशनी स्याङबो, प्रकाश बस्नेत, महान थापा, सुरेन्द्र बसेल, भिभियाना थपलिया (काजु)लगायत कलाकारको अभिनय छ।
महेश पौडेलले छायांकन गरेको फिल्मलाई कृष्ण भण्डारीले सम्पादन गरेका हुन्। फिल्मलाई उपत्यकामा जिजिए ग्रुप र उपत्यका बाहिर एफडी कम्पनीले वितरण गर्नेछन्।
