अभिनेत्री केकी अधिकारी 'जय हो' फिल्म मा अनुबन्धित भएकी छन्।
आइतबार केकी र फिल्मका प्रस्तुतकर्ता शोभित बस्नेतबीच लिखित सम्झौता भएको हो।
यसअघि फिल्ममा अपर्ण थापा, सलोन बस्नेत र माओत्से गुरूङ अनुबन्धित भइसकेका छन्। टेक पौरखी राईले निर्देशन गर्ने फिल्म आगामी फागुन २५ गतेदेखि छायांकनमा जानेछ।
फिल्मको कथा सुरेश न्यौपानेले तयार पारेका हुन्।
एक्सन र लभस्टोरी जनरामा निर्माण हुन लागेको फिल्ममा शम्भुजित बाँस्कोटा र सागर आले मगरको संगीत रहनेछ।
राज के अधिकारी र सुरज सरकारको लगानी रहेको फिल्मलाई सौरभ लामाले छायांकन गर्नेछन्। फिल्म पोखरा र मुस्ताङको विभिन्न स्थानमा छायांकन गरिनेछ।
केकीले हालै फिल्म 'प्रसाद २' काे छायांकन सकेकी छन्।
