अनमोल केसी र आना शर्माको मुख्य भूमिका रहने फिल्म 'जेरी २' को थिम पोस्टर सार्वजनिक भएको छ।
सार्वजनिक पोस्टरमा झोला बोकेका एक युवकलाई लौरी टेकेर यात्रामा हिँडिरहेको देख्न सकिन्छ।
हेमराज बिसीको निर्देशन रहने फिल्ममा पूर्णिका सिजापतीको पनि मुख्य भूमिका रहनेछ। यो फिल्म ८ वर्षअघि निर्माण भएको फिल्म ‘जेरी’ को सिक्वेल हो। उक्त फिल्ममा अनमोल र आनाको मुख्य भूमिका थियो।
फिल्ममा अभिनय गर्ने अन्य कलाकारको लागि निर्माण पक्षले दार्जिलिङ, सिक्किम र गान्तोकमा अडिसन समेत गरेको थियो।
अनन्या फिल्मस् र नेपकम्स ग्लोबलको ब्यानरमा निर्माण हुने ‘जेरी अन टप’ मा सरोज न्यौपाने र रामकृष्ण श्रेष्ठको लगानी रहनेछ। फिल्मको कथा, पटककथा तथा संवाद निर्देशक बिसी र विश्वास तिमसिनाले तयार पारेका छन्।
फागुन अन्तिम साताबाट छायांकन सुरू हुने फिल्म अस्ट्रेलिया, अमेरिका र सगरमाथा आसपास क्षेत्रमा खिचिने बताइएको छ।
