दीपक वलीको निर्देशन रहने फिल्म 'कामिनो' मा अभिनेत्री नीति शाह अनुबन्धित भएकी छन्।
बुधबार निर्माण टिम र नीतिबीच औपचारिक सम्झौता भएको हो। यसअघि फिल्ममा अभिनेता प्रदिप खड्का, वर्षा शिवाकोटी र राजबल्लभ कोइराला अनुबन्धित भइसकेका छन्।
फिल्ममा नीति अनुबन्धित भएसँगै चैत तेस्रो साताबाट छायांकनमा जाने तयारी छ।
फिल्म जोखिमपूर्ण तरिकाले अमेरिका प्रवेश गर्न चाहनेको संघर्षको कथामाथि बन्न लागेको हो। फिल्मको कथा महेश दवाडीले तयार पारेका हुन्।
एक्सेस नेपाल फिल्म्स ब्यानरबाट निर्माण हुने फिल्मलाई सौरभ लामाले छायांकन गर्नेछन्।
यो फिल्म नेपालीसँगै हिन्दी, अंग्रेजी र स्पेनिस भाषामा प्रदर्शन हुनेछ।
नीतिले यसअघि फिल्म ‘हुतुतु’ र ‘एक्स ९’ साइन गरिसकेकी छन् तर दुवै फिल्म छायांकनमा जान सकेको छैन।
