गायिका दिक्षिता कार्की फिल्ममा डेब्यू गर्दैछिन्। उनले दिनेश राउतको निर्देशनमा बन्ने फिल्मबाट अभिनयमा डेब्यू गर्न लागेकी हुन्।
निर्देशक राउतले सामाजिक सञ्जालमार्फत उनी फिल्ममा अनुबन्धित भएको जानकारी दिएका छन्। यसअघि फिल्ममा गायक स्वप्न सुमन अनुबन्धित भएका थिए। फिल्ममा स्वप्न र दिक्षिता जोडीको रूपमा प्रस्तुत हुनेछन्।
सहरी क्षेत्रमा देखिने ढोङ प्रवृत्तिको कथामा फिल्म बन्नेछ। फिल्मको पटकथा विकास सुवेदीले तयार पारिरहेका छन्।
फिल्मको वैशाखमा छायांकन सुरू हुने बताइएको छ।
दिक्षिता नेपाली सांगीतिक क्षेत्रमा रूचाइएका गायिका हुन्। उनका ‘तिमी र म’, ‘जीवन’, 'सेडी बगर' जस्ता गीत चर्चित छन्। उनी संगीतकार तथा भ्लगर चेतन कार्कीकी छोरी हुन्।
