कवि नवराज पराजुलीको नयाँ गीति कविता सार्वजनिक भएको छ।
बिहीबार उनले आफ्नै युट्युब च्यानल ‘नवराज पराजुली’ मार्फत ‘जुलपी’ गीति कविता सार्वजनिक गरेका हुन्।
मोहन बेघाको संगीत, नवराज पराजुलीका शब्द र रिदम कँडेलको स्वरमा रहेको यो गीतले श्रोतालाई प्रेमको यात्रामा लिएर जान्छ।
कविता र गीत बाट्दैबाट्दै बनाइएको यो प्रयोगात्मक कलामा संगीत संयोजन रिदम कँडेलको रहेको छ भने मिक्सिङ मास्टरिङ अनुराग सापकोटाले गरेका हुन्।
गीतमा रत्न विश्वकर्माले बाँसुरी र अनुप दासको बेस गितार रहेको छ।
लुडोलाइ बिम्ब बनाएर तयार पारिएको भिडिओमा नवराज पराजुली र संगम विष्टको अभिनय छ। स्टेजलाई नै लुडो बनाएर लुडोमै खेल्दै नाच्दै एक जोडी कहाँसम्म सँगै पुग्छन् भन्ने नौलो यात्रा भिडिओमा देख्न सकिन्छ।
योगेश दाहालले छायांकन गरेको भिडिओलाई नवराज पराजुलीले निर्देशन गरेका हुन्।
