रेनाशा राई राणा निर्देशित फिल्म 'ज्याकी: आई एम ट्वान्टी वान' को फर्स्ट लुक भिडिओ सार्वजनिक भएको छ।
निर्माण टिमले एक भिडिओ सार्वजनिक गर्दै प्रदर्शन मिति घोषणा गरेका छन्। फिल्म वैशाख २१ गतेदेखि प्रदर्शन हुनेछ।
सार्वजनिक भिडिओमा अभिनेता धिरज मगरलाई प्रस्तुत गरिएकाे छ। सार्वजनिक फर्स्ट लुक भिडिओले फिल्म डान्सको कथामा आधारित रहेको प्रष्ट हुन्छ। धिरज मगरलाई एक डान्सरको भूमिकामा देखाइएको छ।
प्रभु शमशेर जबरा र प्रज्ज्वल शमशेर जबराको निर्माणमा तयार भएको फिल्ममा धिरजसँगै जसिता गुरुङ र अरुण क्षेत्रीको पनि मुख्य भूमिका छ।
आई कोर फिल्म्स ब्यानरमा निर्माण भएको फिल्ममा रोहित शाक्य र कालिप्रसाद बाँस्कोटाको संगीत, सुशन प्रजापतिको छायांकन, द वाइल्ड रिपर्ज क्रुको कोरियोग्राफी छ।
रेनशाले निर्देशन गरेको पहिलो फिल्म ‘इन्टु मिन्टु लण्डनमा’ ले बक्स अफिसमा राम्रो व्यापार गरेको थियो।
