गायक निर्मल दाहालको नयाँ गीत सार्वजनिक भएको छ।
उनले 'निर्मल दाहाल' नामक युट्युब च्यानलमार्फत 'पागल' बोलको गीत सार्वजनिक गरेका हुन्।
धिरज क्षेत्रीको शब्द तथा संगीत रहेको गीतलाई प्रमोद परियारले संगीत संयोजन गरेका छन्।
सुरज श्रेष्ठले निर्देशन गरेको म्युजिक भिडिओमा दि मन्डला डान्स स्टुडियोका कलाकारहरू सुरज श्रेष्ठ, सुस्मिता केसी, सुशान्त महर्जन, सेमाङ बोसलगायतको अभिनय छ।
रविनविक्रम कार्की र पेम्बा मोक्तानले छांयाकन गरेको म्युजिक भिडिओलाई लोकेन्द्र सुब्बाले सम्पादन गरेका छन्।
यसअघि उनले 'जब घाम ढल्छ' र 'अचेल मायाको' गीत सार्वजनिक गरेका थिए।
