अनमोल केसी अभिनीत फिल्म '२.० छड्के' को र्याप गीत सार्वजनिक भएको छ।
सोमबार बुढासुब्बा युट्युब च्यानलमार्फत ‘खालास’ बोलको र्याप गीत सार्वजनिक गरिएको हो। गीतमा भिटेनको स्वर, शब्द, संगीत तथा संगीत संयोजन रहेको छ।
निगम श्रेष्ठको लेखन तथा निर्देशनमा बनेको फिल्ममा अनमोलसँगै रोविन तामाङ, कमलमणि नेपाल, देवकुमार श्रेष्ठ, सिर्जना सुब्बा, रेशा आले मगर, सन्तोष मिजार, इफान अली, निगम श्रेष्ठ, चिरञ्जिवी अधिकारीलगायत कलाकारको अभिनय छ।
फिल्ममा मनाङको स्याउदेखि यार्सागुम्बा व्यापारमा हक जमाउन खोज्ने सानाठूला ग्याङबीच द्वन्द्व देखाइएको छ।
निर्भाना फिल्म स्कुल, काभ्रे फिल्म्स र मेधा प्रोडक्सनको ब्यानरमा बनेको फिल्ममा प्रशान्त गिरी र देवकुमार श्रेष्ठ निर्माता छन्। कार्यकारी निर्मातामा निर्भाना फिल्म स्कुल र लक्ष्मण काफ्ले छन्।
मास्को सिंह र राजेन्द्र सापकोटाले छायांकन गरेको फिल्मलाई रवि चौधरी र लोकेश बज्राचार्यले सम्पादन गरेका हुन्।
यो फिल्म फागुन १९ गतेदेखि प्रदर्शन हुँदैछ।
