रेनशा राई राना निर्देशित फिल्म 'ज्याकी: आई एम ट्वान्टी वान' काे टिजर सार्वजनिक भएको छ।
शुक्रबार सार्वजनिक गरिएको टिजरमा अभिनेता धिरज मगरलाई मात्र देखाइएको छ। सार्वजनिक टिजरमा धिरजको डान्सर बन्ने सपनाको कथा देखाइएकाे छ।
बाबु र आफ्नो सपना फरक हुँदा एक युवकले डान्सर बन्न गरेको संघर्षलाई टिजरमा प्रस्तुत गरिएको छ।
प्रभु शमशेर जबरा र प्रज्ज्वल शमशेर जबराको निर्माणमा तयार भएको फिल्ममा धिरजसँगै जसिता गुरुङ, अरुण क्षेत्री, प्रेम सुब्बा, लुनिभा तुलाधर, पल्पसा डंगोल, राजु भुजु, सुजता राईलगायत कलाकारको अभिनय छ।
आईकोर फिल्म्स ब्यानरमा निर्माण भएको फिल्ममा रोहित शाक्य र कालिप्रसाद बाँस्कोटाको संगीत, सुशन प्रजापतिको छायांकन, द वाइल्ड रिपर्ज क्रुको कोरियोग्राफी छ।
यो फिल्म वैशाख २१ गतेदेखि प्रदर्शन हुँदैछ।
रेनशाले निर्देशन गरेको पहिलो फिल्म ‘इन्टु मिन्टु लण्डनमा’ ले बक्स अफिसमा राम्रो व्यापार गरेको थियो।
