राजु गिरी निर्देशित फिल्म 'दिलमाया २' को टिजर सार्वजनिक भएको छ।
बुढा सुब्बा युट्युब च्यानलमार्फत सार्वजनिक गरिएको टिजरमा दाइजोका कारण अपहेलित हुने महिलाको कथा देखाइएको छ। लभस्टोरी फिल्ममा किरण नेपाली र सेन्जल पौडेल मुख्य भूमिकामा छन्।
राजु गिरी प्रोडक्सनको ब्यानरमा निर्माण भएको फिल्ममा किरण र सेन्जलसँगै सविन बास्तोला, राजु गिरी, अस्मिता बस्नेत, नारायण खाती, हिरा देवि श्रेष्ठ, माया श्रेष्ठ, काजल गिरी, कंगना गिरी, कमल वलीलगायत कलाकारको अभिनय छ। फिल्मको कथा निर्देशक राजुले स्वयंले तयार पारेका हुन्।
विष्णु निराकर र सुस्मिता खत्रीले छायांकन गरेको फिल्मलाई खुमबहादुर सुनार र संगीता खत्रीले सम्पादन गरेका छन्। फिल्मलाई शंकर गिरी, पुर्णकला गिरी र सरिता गिरीले मिलेर निर्माण गरेका हुन्।
यो फिल्म ‘दिलमाया’ को सिक्वेल हो। फिल्म आगामी असार २९ गतेदेखि प्रदर्शन हुनेछ।
