नारी दिवसको अवसर पारेर फिल्म 'जुलेबी' को फर्स्ट लुक पोस्टर सार्वजनिक गरिएको छ।
सार्वजनिक पोस्टरलाई कलात्मक रूपमा बनाइएको छ। फिल्ममा सुरक्षा पन्त, उषा रजक, निशा अधिकारी, मोनिका थापा, सुशील सिटौला, पुष्कर कार्की, तुफान थापालगायत कलाकारको अभिनय छ।
एथोलजी विधामा रहेको फिल्ममा नारी पात्रको सशक्त र अब्बल अभिनय रहेको छ। फिल्ममा चार नारी पात्रको कथा समेटिएको छ।
फोर क्युब इन्टरटेन्मेन्टको ब्यानरको फिल्मलाई आभा शर्मा नेपालले निर्माण गरेकी हुन्। फिल्मको कार्यकारी निर्माता नविन भट्ट छन्।
विवेक खड्काले छायांकन गरेको फिल्मलाई अजय खड्काले सम्पादन गरेका छन्।
फिल्मका निर्देशक गणेश देव पाण्डे हुन्। यसअघि उनले फिल्म ‘मन्जरी र गाजा बाजा’ निर्देशन गरिसकेका छन्।
फिल्मको प्रदर्शन मिति तय हुन बाँकी छ।
