नेपाली हिपहप रियालिटी शो 'नेपहपको श्रीपेच' को कार्यक्रम अस्ट्रेलियामा हुने भएको छ।
'नेपहपको श्रीपेच लाइभ इन अस्ट्रेलिया' नाम दिइएको कन्सर्ट अस्ट्रेलियाका विभिन्न सहरमा आयोजना गरिनेछ। शोका विजेता र निर्णायकहरूले सन् २०२३ मेमा सिड्नी, पर्थ र ब्रिस्बेनमा आफ्नो प्रस्तुति दिनेछन्।
पहिलो सिजनका विजेता भाइबर साइमनले फर्स्ट रनरअप जेनिस क्षेत्रीसँगै कलाकारहरूको नेतृत्व गर्नेछन्।
कार्यक्रम १२ मेमा सिड्नी, १७ मेमा पर्थ र १९ मेमा ब्रिसबेनमा हुनेछ। कार्यक्रमका मुख्य निर्णायक मानस घले हुन्।
कार्यक्रम अस्ट्रेलियामा हाइपेक्स इभेन्ट्स एन्ड इन्टरटेनमेन्टले आयोजना गर्न लागेकाे हो। कार्यक्रम सञ्चालक सुजता श्रेष्ठले कार्यक्रमभर दर्शकलाई मनोरञ्जन र व्यस्त राख्ने बताएकी छन्।
