गोविन्द सिंह भण्डारी लिखित तथा निर्देशित फिल्म 'प्रेमा' को वियोगान्त गीत सार्वजनिक भएको छ।
बुधबार काठमाडौंमा एक कार्यक्रम आयोजना गर्दै फिल्ममा समावेशी ‘फूल यो चुँडेर’ बोलको गीत सार्वजनिक गरिएको हो।
एसडी योगीको स्वर रहेको गीतमा सुवेक्षा खड्का, सृष्टि श्रेष्ठ र अरुण क्षेत्री फिचर्ड छन्। गीतमा अरुणले गायन रियालिटी शो ‘सुर सितारा’ मा यो गीत गाएर प्रेम पीडा व्यक्त गरेको देखाइएको छ।
सविन एकतारेको शब्द रहेको गीतमा सुशान्त गौतमले संगीत भरेका छन्।
बाघठाटा फिल्म फ्याक्ट्री ब्यानरको फिल्म निर्माणमा निर्देशक गोविन्दसँगै विवेक घिमिरेले सहकार्य गरेका छन्।
फिल्ममा अरुण, सुवेक्षा र सृष्टिसँगै विमला केसी, हिउँवाला गौतम, पुरण जोशी, सविन बास्तोला, रोशनी स्याङबो, प्रकाश बस्नेत, महान थापा, सुरेन्द्र बसेल, भिभियाना थपलिया (काजु)लगायत कलाकारको अभिनय छ।
महेश पौडेलले छायांकन गरेको फिल्मलाई कृष्ण भण्डारीले सम्पादन गरेका हुन्। फिल्मलाई उपत्यकामा जिजिए ग्रुप र उपत्यका बाहिर एफडी कम्पनीले वितरण गर्नेछन्।
यो फिल्म चैत १७ गतेदेखि प्रदर्शन हुनेछ।
