गायक राजेश पायल राईको स्वरमा नयाँ गीत सार्वजनिक भएको छ।
बुधबार 'द प्रिमियर प्रोडक्सन' युट्युब च्यानलमार्फत 'काली काली' बोलको गीत सार्वजनिक गरिएको हो।
टिएन आचार्यको शब्द रहेको गीतमा लक्ष्मण पोखरेलले संगीत भरेका छन्। गीतमा गजित विष्ट, गम्भीर विष्ट र सामारिका ढकाल फिचर्ड छन्।
गजित र गम्भीर दुवै निर्देशक तथा कोरियोग्राफर हुन्। गजितले फिल्ममा समेत काम गरिसकेका छन्।
लामो समयपछि गजित र गम्भीरले सहकार्य गरेको रोमान्टिक डान्सिङ म्युजिक भिडिओलाई निर्देशक सुरेन्द्र बसेलले निर्देशन गरेका हुन्। टिएन आचार्यले निर्माण गरेको गीतलाई विकाश नेपालीले कोरियोग्राफी गरेका छन्।
दिनेश पराजुलीले छायांनक गरेको गीतलाई नविन निरौलाले सम्पादन गरेका हुन्।
