गायक तथा संगीतकार कालिप्रसाद बाँस्कोटाले सांगीतिक प्रस्तुति दिने भएका छन्।
उनले काठमाडौं ठमेलस्थित 'क्लब ओम्निया' मा आगामी शुक्रबार सांगीतिक प्रस्तुति दिने भएका हुन्। कार्यक्रमको नाम 'स्पेसल नाइट विथ कालिप्रसाद बाँस्कोटा' राखिएको छ।
कार्यक्रममा कालिप्रसादले नयाँ ब्याण्ड ‘साथीभाइ’ सँग लाइभ गीत गाउनेछन्। कार्यक्रममाा उनले ‘अजम्बरी माया पिरती, निरा, ओखती, बाटुली, लप्पन छप्पन, इन्स्टाको फोटो र पंक्षी’ लगायतका लोकप्रिय गीत गाउनेछन्। उनले ‘साथीभाइ’ ब्याण्डसँग फिल्म ‘फूलबारी’ मा समावेशी ‘माया रैछ र’ गीत पनि पहिलोपटक लाइभ गाउनेछन्।
कार्यक्रम पिभिइ नेटवर्कको प्रस्तुति र डेभिल्स ग्रुपको सहकार्यमा हुन लागेको हो। कार्यक्रमको टिकट ‘आफ्नो टिकट डटकम’ मा उपलब्ध छ।
कालिप्रसाद पछिल्लो समय फिल्मी गीतमा रूचाइएका संगीतकारमा पर्छन्। उनी ‘सा रे ग म प’ तथा ‘नेपाल आइडल सिजन १,२,३’ का निर्णायक पनि हुन्।
1639420357.jpg)
