सुरज कुमार थापाको नयाँ गीत सार्वजनिक भएको छ।
उनकै स्वर तथा संगीतमा 'तिमी दुख्दा' बोलको गीत सार्वजनिक गरिएको हो। भुपेन्द्र महतको शब्द रहेको गीतमा संगीत संयोजन किरण कँडेलले गरेका हुन्।
सन्तोष बस्न्यातको परिकल्पना र निर्देशन रहेको गीतमा सुरज कुमार थापा, हेमा श्रेष्ठ र विशाल पुलामीको अभिनय देख्न सकिन्छ।
सुरज कुमार थापाको युट्युब च्यानलमार्फत सार्वजनिक गरिएको म्युजिक भिडिओलाई दिपेन बस्न्यातले छायांकन र सम्पादन गरेका हुन्।
सुरजले आफ्नो सांगीतिक यात्रा २०४८ सालमा रेडियो नेपालबाटै सुरू गरेका हुन्। पछिल्लो समय उनी गायनसँगै बजाउनमा व्यस्त छन्। उनी २० वर्षदेखि ‘नेपथ्य’ ब्यान्डमा किबोर्ड बजाइरहेका छन्।
