गायिका अन्जु पन्तको स्वरमा नयाँ गीत सार्वजनिक भएको छ।
आइतबार ओएसआर युट्युब च्यानलमार्फत 'मायाको रातो रुमाल' बोलको गीत सार्वजनिक भएको हो।
गम्भीर विष्टको निर्देशनमा तयार भएको गीतमा नायिका वर्षा सिवाकोटी र अस्तित्व भट्टचनलाई देख्न सकिन्छ।
सुबोल थापाले कोरियोग्राफी गरेको गीतमा वर्षा र अस्तित्वको नोकझोक, नृत्य र माया प्रेमको दृश्य देखाइएको छ।
चन्द भट्टचनको शब्द रहेको गीतमा ज्योती प्रकाशले संगीत भरेका छन् भने विष्णु अधिकारीको संगीत संयोजन छ।
नवराज उप्रेतीले छायांकन गरेको गीतलाई नविन निरौलाले सम्पादन गरेका हुन्।
