आर्टमान्डुले नयाँ म्युजिकल फिल्म 'माया जाने हो त ट्रयाक्टरमा' सार्वजनिक गरेको छ।
ट्रयाक्टर ड्राइभरको जीवनशैली र नेपालको ग्रामीण परिवेशलाई प्रतिबिम्बित गर्ने गरी उक्त गीत सार्वजनिक गरिएको हो। एक नारायण भण्डारीको शब्द रहेको गीतमा आशिष अविरलको स्वर तथा संगीत सुन्न सकिन्छ।
गीतको भिडिओमा सम्राट थापा, अन्जना बराइली र प्रकाश नेपालीको अभिनय रहेको छ।
‘तीनपाते, के माया लाग्छ र, घुमीघुमी’ जस्ता चर्चित म्युजिकल फिल्म निर्माण गरेको आर्टमान्डूको यो फरक प्रयास हो।
‘स्टाइलको पराकाष्ठ अनि जीवनमा अधिकतम बाँच्, हाँस्न, नाच्न जानेका मजेदार पात्रमाथि यो सिर्जना समर्पित गर्न पाउँदा एकदम खुशी छौं,’ निर्देशक नवीन चौहानले भने।
गतवर्ष पाँचथर, इलामको सीमानामा रहेको सप्तमी बजारमा यो भिडिओको छायांकन गरिएको थियो।
